sábado, 6 de abril de 2019

Nerbioiaren garbiketa


Martxoaren 25, igandean, Urduñako "Bitxobola" Ekologista taldeak antolatua, eta Urduñako Scout taldearekin batera  Nerbioi ibaiaren arroilaren garbiketari ekin zioten. Helburu hau bete ahal izateko URA-ren (Eusko Jaurlaritzako Ibaien kudeaketarako erakundea)  teknikari baten laguntza jaso zuten.

Garbigunearen parean elkartu ziren, eta segituan lana banandu zuten, batzuk joan ziren ibaitik gora Landata auzoraino, eta beste batzuk ordea ibaitik behera Arbietoraino, gutxi gora behera kilometro bateko tartea garbitu zuten denon artean. Boluntariorik gazteena 11 urtekoa izan zen, baina honek ez du esan nahi zaborra batzen atzean geratu zenik, alderantziz, gainerakoak bezala bere jarduera kementsua eta ausarta izan zen oso. Irudian ikus daiteen moduan neska batzuk uretan sarturik ur hotsari aurre eginez buru belarri aritu ziren ekintza arduratsu honetan.





Hartutako zaborra pilaren tamaina ikaragarria zirudien, lau metro kubikokoa;  plastikozko gauzak ziren batipat, hala ere, gauza bitxiak ere topatu zituzten, komuneko konketa, besteak beste. Kezkagarriagoak eta kutsakorragoak izan ziren pintura ontziak, eta su-amatagailua, hain zuzen ere.



Hein berean, penagarri eta negargarria zabor guzti hori ibaiaren uretan eta ertzetan egon izana. Lan handia izan da benetan, baina oraindik ere lan gehiago daukate aurrean, berriro ere irailean burutuko dute, animatuko zara eurekin parte hartzen?


Txalogarria benetan bildutako zabor-meta erraldoia ikusirik denon artean talde baten moduan eginiko esfortzu itzela. Hau izan da hurrengo belaunaldiari naturaren aldeko heziketarako ahaleginik handiena, alegia.

Egin dezagun batera ibai garbi baten alde!

No hay comentarios:

Publicar un comentario